TIRANË- Nisja e vitit të ri shkollor ka sjellë emocione sidomos për fëmijët dhe prindërit që hyjnë në klasë të parë. Një prej tyre, që ka nisur dje vitin e ri shkollor, ka qenë dhe Ajka, vajza e Besit dhe Xhensilës, e cila ka hyrë në klasën e parë.
Në këtë ditë të veçantë ka qenë Xhensila ajo që e ka shoqëruar drejt shkollës, ndërsa nuk kanë munguar fjalët emocionuese.
“Suksese dashuria ime. Mami do jetë me ty në çdo hap tëndin”- shkruan ndër të tjera këngëtarja, në postimin e saj në rrjetet sociale, ndërkohë që ka munguar një urim nga ana e Besit, i cili pavarësisht krizës në çift ka treguar dobësinë e tij për Ajkën gjatë gjithë kohës.
Xhensila ishte kujdesur që Ajka të shkëlqente në ditën e saj të parë në shkollë. Në foton e postuar nga këngëtarja, vogëlushja shihet teksa mban veshur këmishë të bardhë të kombinuar me fustanin sipër ngjyrë të zezë, e në duar mban çantën Dolce&Gabbana, e cila ka kushtuar rreth 650 dollarë.
Çmimi i kësaj të fundit, ka bërë dje xhiron e rrjeteve sociale, a ja vlen të shpenzohet kaq shumë për çantën? Xhensila duket se nuk mendohet dy herë kur vjen puna për vajzën e saj… /ZËRI
