JACARTA - Ndeshja për Kupën e Botës mes Brazilit U17 dhe Kaledonisë së Re U17 përfundoi me një rezultat të thellë në favor të 'seleçaove'.
Kampionët në fuqi të botës kishin mesatarisht një shans çdo 75 sekonda në fitoren e tyre 9-0. Por ata nuk mund t'i afroheshin suksesit rekord të Spanjës 13-0 ndaj Zelandës së Re, në edicionin e vitit 1997.
As nuk ishte aq mbresëlënës ky rekord, sesa 10 golat e Anglisë kundër të njëjtëve kundërshtarë (Kaledonia e ReU17) në ndeshjen e tyre të parë të Grupit C në Xhakarta. Skuadrës së Ryan Garry-t iu deshën vetëm 39 goditje në portë në atë përballje.
Pas një disfate shokuese 3-2 nga Irani në ndeshjen e tyre të parë në Indonezi, vetëm 28% (23) e gjuajtjeve të topit të Brazilit gjetën portën kundër Kaledonisë së Re, me 33 gjuajtje jashtë porte dhe 25 goditje të bllokuara. Megjithatë, 81 goditje në portë është një shifër mbresëlënëse.
Gjatë dekadës së mëparshme, vetëm Bregu i Fildishtë ka arritur më shumë se 40 goditje në portë (42) në finalet e Kupës së Botës U-17, me fitoren e tyre 3-0 ndaj Zelandës së Re, duke i parë ata të shënojnë një gol për çdo 14 mundësi të krijuara.
Rekordi i Premier League (që nga viti 2003-2004) është 44 goditje në portë dhe erdhi me 'momentin e famshëm Aguero' teksa Manchester City fitoi titullin ë në 2011-12 me një fitore të fundit 3-2 ndaj QPR.
Dhe në pesë ligat e mëdha të Evropës (që nga viti 2006-07) Atalanta pati 47 raste për të shënuar në barazimin e saj pa gola në Serie A kundër Empolit në 2019.
Lojtari i Palmeiras, Estevao Uillian, 16 vjeç - i cili njihet si 'Messinho' dhe tashmë është krahasuar me Lionel Messin – bëri mrekulli për Brazilin, ndërsa Kaua Elias i Fluminense shënoi një hat-trick dhe Rayan i Vasco da Gama shënoi dy gola për Selecaot.
Megjithatë, përballë ishte një ekip i dobët si Kaledonia e Re. Ky ekip ka dy ndeshje të luajtura, 19 gola të pësuar, zero gola të shënuar./Zëri.ai/
