TIRANË- Sopranoja shqiptare me famë botërore Ermonela Felaj ka shkëlqyer në mbrëmjen gala në nder të Sir Antonio Pappano, në Shtëpinë e Operës Mbretërore. Në fund ajo ka marrë dhe mirënjohjen e Mbreti Charles III, i cili ka pozuar në krah të saj, ndërsa shihej mjaft i lumtur. Bashkë me të në skenë, ishin dhe Insung Sim, tenori Freddie De T.ommaso, Aigul Akhmetshina, Jonas Kaufmann dhe Bryn Terfel.
Mbrëmja gala u mbajt në nder të Sir Antonio, drejtori i muzikës operistike, i cili largohet pas 22 vitesh si drejtor muzikor në Shtëpinë e Operës Mbretërore. Charles III është një mbështetës i artit. Mbreti Charles III ka qenë Mbrojtësi i Shtëpisë së Operës Mbretërore që nga viti 2009 dhe President i Baletit Mbretëror që nga viti 2003.
Mbreti Charles III u rikthye në jetën aktive pas probleme shëndetësore. Ai u diagnostikua me kancer disa muaj më parë dhe mjekët I kërkuan të shkëputej nga jeta aktive. Charles III u ngjit në skenë dhe pozoi krah artistëve. Ai dukej në gjendje të mirë shëndetësore, ndërsa kurimi vijon./ZËRI
