BANGLADESH- Një gjykatë në Bangladesh ka hapur një hetim për vrasje ndaj ish- kryeministrit Sheikh Hasina dhe gjashtë figurave kryesore në administratën e saj lidhur me vrasjen e një burri nga policia gjatë trazirave civile muajin e kaluar.
Gjykata në kryeqytet, pranoi çështjen pasi Amir Hamza ngriti një padi ligjore për vrasjen e shitësit ushqimor Abu Saeed, tha avokati i Hamzës. Saeed u qëllua më 19 korrik ndërsa policia qëlloi mbi studentët protestues dhe njerëzit e tjerë që demonstronin kundër kuotave në punët qeveritare në zonën Mohammadpur të Dhakës. Hamza tha se ai nuk ishte i lidhur me Saeed, por vullnetarisht iu drejtua gjykatës sepse familja nuk kishte financa për të ngritur çështjen. Ai fajësoi Hasinën, e cila kishte bërë thirrje për veprime të forta për të shuar dhunën, për të shtënat e policisë.
“Unë jam i pari qytetar i thjeshtë që tregova guximin për të ndërmarrë këtë hap ligjor ndaj Sheikh Hasinës për krimet e saj. Unë do ta ndjek rastin deri në fund”, tha Hamza.
Udhëheqësit studentorë që drejtuan lëvizjen e protestës kanë kërkuar vazhdimisht që ish-kryeministrja të përballet me gjyqin për vrasjet e kryera gjatë mandatit të saj, përfshirë gjatë protestave të fundit. Qeveria e Hasinës u akuzua për abuzime të gjëra të të drejtave të njeriut, duke përfshirë vrasjet pa gjyq të mijëra kundërshtarëve të saj politikë sipas Aljezera./ ZËRI
