TIRANË- Alban Skënderaj dhe Elvana Gjata, janë dy prej emrave që kanë korrur më së shumti sukses në skenën muzikore në Shqipëri, ndërsa numërojnë dhjetra këngë. Mes tyre në këto dy dekada nuk ka pasur asnjë bashkëpunim, ndërsa së fundi kemi zbuluar, se marrëdhënia mes artistëve nuk është ajo më e mira. Shkaku që kjo ‘përplasje’ të dilte në skenë, janë bërë koncertet e fundit që të dy kanë pasur, Albani në ‘Air Albania’, ndërsa Elvana në Gjermani.
Gjatë performancës në Gjermani, Elbana lëshoi një kunjë ndaj kolegëve të saj, teksa u pyet nga Romeo Veshaj se “Pse mikrofoni i tij është ndryshe nga ai i Elvanës?”
“Mua më mbajnë me hile sot, meqë jam e para që guxova ta bëj në Lanxess Arena koncertin”, tha Elvana, duke lëshuar shigjetën, ndoshta dhe në drejtim të Albanit, i cili në fillim të Qershorit mbajti koncertin e tij në stadiumin e Tiranës.
Pas kësaj “kunje” që u duk sikur ishte për të, Albani ka reaguar në një story ku shfaq një pamje nga koncerti i tij i tejmbushur, teksa shkruan: “Ndonjëherë mjafton një kitarë”, duke nënkuptuar se talenti i tij as mund të vihet në diskutim, dhe as mund të përflitet.
Këtë reagim ndjekësit e kanë kuptuar si një përgjigje që ka dashur të tregojë se nuk ka nevojë për shumë zhurmë, veshje ekstravagante dhe performanca që bien në sy, por mjafton një kitarë dhe pak thjeshtësi për të mbushur një stadium të tërë.
Përplasje ka pasur dhe për numrin e pjesëmarrësve në koncerte, ku në rrjet performance e Elvanës në Gjermani u cilësua një dështim, ndërsa Albani e tij pretendonte se kishte mbledhur mbi 20 mijë njerëz në stadiumin Air Albania. /ZËRI
