SHBA- Këngëtarja, Mariah Carey është paditur sërish nga kompozitori Andy Stone, për shkeljen e dyshuar të të drejtave të autorit me këngën e saj festive shumëvjeçare “All I Want For Christmas Is You”.
Stone, i cili interpreton si Vince Vance dhe Valiants, ngriti një padi kundër Carey, bashkë-shkrimtarit Walter Afanasieff dhe Sony Music Entertainment duke pretenduar “shkelje të të drejtës së autorit dhe pasurim të padrejtë” për këngën e titulluar gjithashtu “All I Want for Christmas Is You”, që ai shkroi në Nashville dhe u publikua në 1989.
Dokumentet, akuzojnë Carey dhe bashkëpunëtorët e saj se kanë shkelur me vetëdije, me dashje dhe qëllimisht të drejtat e autorit të këngës së Stone. Stone ka kërkuar një dëmshpërblim prej 20 milionë dollarësh. Ndërkohë në dokumentet e reja gjyqësore të siguruara nga PEOPLE, avokatët e Stone deklarojnë se “All I Want for Christmas Is You” e tij u luajt në radio në 1993 dhe u bë hit në tabelën e Billboard Hot Country Singles & Tracks vitin e ardhshëm, afërsisht në të njëjtën kohë që u publikua himni festiv tashmë klasik.
“Merry Christmas” u publikua nga “Columbia Records” më 1 nëntor 1994 dhe u bë albumi më i shitur i Krishtlindjeve i të gjitha kohërave, në SHBA me më shumë se 15 milionë kopje në mbarë botën.
