TIRANË- Aktori i humorit Albano Bogdo është larguar përfundimisht nga “Ferma VIP”. Vendimin për të lënë në mes garën në ditën e 70 e ka marrë ditën e djeshme. Gjatë ditës së sotme, Albano ka pasur një përplasje me fermerin tjetër, Robert Aliaj.
Ka qenë Roberti, ai i cili në rolin e kryefermerit i ka thënë Albanos se do e dënojë duke e çuar në shtëpinë e fakirit, nëse nuk i bindej urdhërave të tij për të punuar në fermë.
“Për arsye të prishjes së rregullave në komunitet, thyerja e urdhrave të kryefermerit, unë të dënoj ty. Ti do shkosh tek shtëpia e fakirit nga tani për një kohë të pacaktuar. Shko atje, këtë autoritet e kam tani nga Agai. Je më i nderuar po të më dëgjosh mua. Unë jam Agai dhe ti do shkosh atje dhe do dalësh kur të më teket mua. Unë nuk jam delirant, as njeri i parespektuar. Nuk dua asnjë pordhac këtu që thotë nuk e bëj këtë. Kam respekt për njerëzit që respektojnë njëri-tjetrin,”- tha Roberti.
Këtë moment, Albano ka marrë vendimin për të lënë garën, edhe pse banorët e tjerë tentuan që ta ndalonin./ZËRI
