SHBA- Biznesmenia e njohur, Huda Kattan ka treguar historinë e krisjes së miqësisë me aktoren Eva Longoria. Në një video të publikuar në rrjetet e saj sociale, Kattan tregoi sesi mikesha e saj prej 10 vitesh, kishte zgjedhur që të mbështeste Izraelin. Sipas krijueses së linjës së produkteve kozmetike, Longoria postonte në rrjetet e saj sociale lajme të pavërteta për Palestinën, e kur u provuan që nuk ishin të bazuara në fakte, nuk kishte zgjedhur që të mbështeste palën tjetër.
"Kisha një shoqe të njohur, me të cilën kisha 10 vite miqësi. Kur nisi lufta, ajo nisi që të mbështeste Izraelin. I thashë që duhet që të jesh e kujdeshme për atë që nxjerr, duhet të kesh informacionin e duhur. Kur doli që ajo që mbronte dhe suportonte ajo nuk ishte e vërtetë (përmend historinë e bebeve që i prisnin kokën), i thashë do të mbështesës Palestinën, ajo më tha: E di çfarë, mediat sociale nuk janë në të vërtetë vendi i duhur për t'u shprehur, nuk të vjen asnjë e mirë prej tyre. Uau, sa e privilegjuar që je që të zgjedhësh që të mbështesësh një anë,"-thotë Huda në videon e postuar në rrjetet sociale.
Aktorja, producentja dhe humanitarja e njohur foli me Huda Kattan, themeluesen e Huda Beauty, një markë bukurie me vlerë mbi 1 miliard dollarë ka qenë gjithmonë në mbështetje të Palestinës, duke nisur fushata të ndryshme për t'i mbështetur gjatë luftës./ZËRI
