PARIS- Një postim në rrjetet sociale, ku protagoniste ishte kryeministrja Giorgia Meloni dhe kampionia xhudiste italiane, Alice Bellandi, bëri xhiron e rrjetit. Në fotot e shpërndara shihet një atlete duke puthur një grua në audiencë, të dashurën e saj, ndërsa në të dytën Giorgia Meloni në tribunë me krahët e përthyer dhe duke parë diçka. Sipas atyre që ndanë postimin, ky ishte reagimi i mërzitur i Melonit ndaj puthjes së xhudistes Alice Bellandi me partneren e saj, pasi fitoi medaljen e artë në xhudo kundër izraelites Inbar Lanir, në Lojërat Olimpike të Parisit 2024.
Por duket se ky është një lajm i rremë. Pasi sipas Facta, e vërteta qëndron ndryshe.
Të dyja fotot janë reale, por dy skenat nuk kanë asnjë lidhje me njëra-tjetrën pasi janë zhvilluar në dy kohë dhe vende të ndryshme.
Fotografia që tregon Melonin të mërzitur dhe me krahë të përthyer është bërë gjatë ndeshjes së volejbollit për femra në Paris South Arena të fituar nga Italia kundër Holandës.
E pranishme në fitoren e xhudistes italiane që u zhvillua në Campo di Marte Arena, siç e pamë, ishte edhe kryeministrja. Duke parë videon zyrtare, nuk duket se është bërë ndonjë gjest pakënaqësie nga Meloni pas puthjes në fund të garës mes Bellandit dhe partneres së saj. /ZËRI/
