ITALI- Reperi italian Fedez është shtruar në spital në spital ditën e sotme. Reperi iu nënshtrua një ndërhyrje kirurgjikale pasi pati gjakderdhje të brendshme. Lajmin e dha vetë duke postuar një foto në Instagram story në një shtrat spitali. Me njërën dorë mbulon fytyrën, kurse me tjetrën bën shenjën e fitores. Reperi shpjegoi se çfarë ndodhi me ndjekësit e tij me një shaka për të zbutur situatën e rëndë me të cilën ishte përballur: Jam si Dj Khaled kur thotë ‘Një tjetër’ por me gjakderdhje të brendshme. Ishte një hemorragji e vogël dhe tashmë është nën kontroll.
Shëndeti i Fedez është delikat. Artisti duhet të jetojë - siç u përmend - me pasojat e operacionit që iu nënshtrua pas zbulimit të një tumori të pankreasit. Edhe shtatorin e kaluar ai u shtrua gjithashtu për rreth dhjetë ditë në spitalin Fatebenefratelli në Milano dhe u operua për gjakderdhje të brendshme të shkaktuar nga dy ulçera.
Çfarë nuk shkon me Fedez?
Siç shpjegoi Massimo Falconi, drejtor i Njësisë së Kirurgjisë së Pankreasit dhe Kirurgjisë së Transplantit në Spitalin IRCCS San Raffaele në Milano, i cili hoqi tumorin e rrallë, ulçera është një komplikacion i operacionit gastro-duodeno-jejunal. Këto janë ulçera, të shkaktuara shpesh nga një infeksion "helicobacter pylori" ose të favorizuar nga marrja e anti-inflamatorëve jo-steroidë./ZËRI
