TIRANË- AFP ka publikuar një artikull për rrjetin e prostitucionit që funksionon në Shqipëri me vajza të huaja që e ushtrojnë këtë profesion të ndaluar. Në artikull shkruhet se shumë vajza të huaja përfundojnë të bllokuara në qelitë e burgut shqiptar, pasi ligji i vendit parashikon deri në tre vjet burg për këdo që ushtron prostitucion, nëse nuk konsiderohet viktimë e trafikut të qenieve njerëzore. Më tej thuhet se rrjetet kriminale ndërkombëtare po sjellin gjithnjë e më shumë gra nga vende të varfra drejt Shqipërisë, me premtimin përfitime nga prostitucioni dhe se vendi mund të shërbejë si portë për të hyrë në Europë.
Artikulli i AFP:
Një numër në rritje grash po tërhiqen nga rrjete kriminale ndërkombëtare drejt Shqipërisë nga vende të varfra, me premtimin e punës fitimprurëse në prostitucion dhe një mundësi për të hyrë në vendet e Europës. Në vend të kësaj, shumë prej tyre përfundojnë të bllokuara në paraburgim në Shqipëri, pasi kushdo që merret me prostitucion në vend, nëse nuk konsiderohet viktimë e trafikimit, mund të dënohet deri në tre vjet burg.
“Ne kontaktojmë dikë dhe ai person na siguron një vend për të punuar. E kupton? Dhe ne i paguajmë atij 50% të asaj që fitojmë me trupin tonë, me shërbimin që ofrojmë. Një numër në rritje grash po tërhiqen drejt Shqipërisë nga premtimi i punës fitimprurëse në seks dhe një mundësi për të hyrë në Europë. Por shumë thonë se nuk e dinin që prostitucioni ishte i paligjshëm në Shqipëri. Nuk e dija këtë. Përndryshe nuk do të kisha ardhur ose do të isha larguar menjëherë. Kjo do të më kishte shpëtuar nga kalimi i kaq shumë kohe në burg për shkak të kësaj pune. Shumë prej tyre kanë shumë frikë t’u drejtohen autoriteteve për shkak të kërcënimeve nga kriminelët që i manipulojnë”, shprehen viktimat e trafikimit njerëzor.
“Në të kaluarën, Shqipëria ishte një vend origjine. Vajza dhe gra shqiptare ishin viktima të trafikimit dhe prostitucionit në vende të tjera. Sot po dëshmojmë një ndryshim të madh të trendit, me Shqipërinë që nuk është më një vend origjine, por një vend tranziti dhe qëndrimi për shtetas të huaj që vijnë këtu në mënyra të ndryshme, si ligjore ashtu edhe të paligjshme”, tha Geranda Gjeta, Komisionere e Njësisë Kundër Trafikimit të Qenieve Njerëzore në Tiranë./ZËRI
View this post on Instagram
