FIER-Ish-deputeti demokrat, Ervin Salianji, i cili është dënuar me një vit burg nga Gjykata e Apelit, ka kërkuar lirinë me kusht. Kërkesa e depozituar në gjykatën e Fierit për liri me kusht nga Salianji, vjen pas kryerjes së 2/3 të dënimit.
Më 27 shtator, ish-deputeti demokrat u vetëdorëzua vullnetarisht në Polici, për t'u tranferuar më pas në burgun e Fierit, ku edhe do të vuajë dënimin me 1 vit heqje lirie për çështjen “Babale”. Gjyqi zgjati për disa vite për një denoncim mediatik që demokrati kishte bërë ndaj Geron Xhafajt, vëllait të ish-ministrit të Brendshëm, Agron Xhafaj, lidhur me trafikun e drogës dhe një dënim të pakryer në Itali. Por Salianji u dënua për kallëzim të rremë. Aktualisht, ish-deputeti i Partisë Demokratike Ervin Salianji po kryen dënimin në burgun e Fierit./ZËRI
