TIRANË- Shefi i Sektorit të Menaxhimit në Departamentin e Sigurisë Publike, Albert Nushi, ka sqaruar praninë e forcave speciale RENEA, të cilat mbrëmjen e së shtunës rrethuan godinën e Kryeministrisë.
Sipas Nushit, angazhimi i RENEA-s erdhi pas një telefonate të mbërritur në sallën operative, sipas së cilës, ishte sinjalizuar një rrezik i mundshëm për jetën e punonjësve të Policisë në terren. Shefi i Sigurisë bëri me dij e se sipas telefonatës, në momentin e sulmeve piroteknike ndaj policisë po qëllohej me armë.
View this post on Instagram
“Ditën e djeshme, në sallën operative të Drejtorisë Vendore të Policisë Tiranë ka ardhur një telefonatë, sipas së cilës, mes protestuesve kishte elementë të armatosur dhe po qëllohej me armë zjarri në momentin e sulmeve me lëndë piroteknike ndaj Policisë. Përballë kësaj dhune dhe thirrjeve për vrasje, duke qenë se edhe ditën e djeshme sulmet ndaj Policisë kanë qenë të paprecedenta, Policia e Shtetit mori masa shtesë. Për të mbrojtur jetën e punonjësve të Policisë në terren, të cilët janë të paarmatosur, në zbatim të ligjit për tubimet, në terren kanë dalë edhe strukturat speciale RENEA, pasi, bazuar në telefonatën e ardhur në sallën operative, ekzistonte rreziku për jetën e punonjësve të Policisë", tha Shefi i Sigurisë.
-
RENEA "zbarkon" në bulevard, rrethon Kryeministrinë (VIDEO)
17 Tetor, 19:20
Forcat RENEA rrethuan mbrëmjen e djeshme godinën e Kryeministrisë, pas përplasjeve të ashpra mes protestuesve dhe policisë. Sipas raportimeve, tre autoblinda të RENEA-s u pozicionuan pranë godinës qeveritare në rast të përshkallëzimit të situatës. /ZËRI
