TIRANË-Seanca e datës 30 prill në Këshillit të Lartë të Prokurorisë, është zhvilluar mes toneve të larta dhe debateve të tensionuara. Shkak i debatit u bë një vendim i marrë më 2 prill për hapjen e vendeve vakante në KLP drejt Kuvendit, ndërsa kryetarja e KLP-së, Mirela Bogdani kërkoi rikthimin e tij për shqyrtim. Kjo kërkesë është kundërshtuar nga anëtari Sokol Stojani, gjë që solli edhe përplasjet mes tyre.
Debati:
Stojani: O kryetare, je në kundërshtim me ligjin. Ti të paktën duhet ta njoftosh anëtarin. Është përdhunim moj kryetare. Të kërkosh ti të diskutosh
Bogdani: Po pse vetëm ju ndiheni i përdhunuar zoti Stojani? Ne të tjerët e kuptoni sesi ndihemi pas këtyre fyerjeve dhe ofendimeve?
Bogdani: Mbledhjen e deklarojmë të mbyllur. Të qetësohen palët, të rehabilitohen dhe të vijnë në mbledhjen tjetër. Mirupafshim!
Stojani: Ju po sabotoni mbledhjen e Këshillit.
Bogdani: Unë po sabotoj?!
Stojani: Duke futur gjëra dhe duke penguar veprimtarinë e këtij Këshilli. Kryetare do të mbani përgjegjësi për këtë.
Bogdani: Do të mbaj!
Stojani: Do mbani përgjegjësi po të them.
Bogdani: Në litar do më varësh, e di..
Stojani: Po ç’litar aman, s’je ti për litar. Ashtu të ngre në qiell. Turp të të vijë njëherë. Keni mbledh gjithë njerëzit këtu për t’i mbajt njerëzit peng për gjëra ordinere.Jo,joo.. A ka gjë më ordinere se të rishikosh një vendim të marrë? S’ka gjë më ordinere se kjo. Ky është problem konceptual
Bogdani: Po është diskutim. Në qoftëse ti…
Stojani: Po s’ke diskutim moj. Po nuk diskutohet një vendim moj. Po nuk diskutohet një vendim i marrë moj, po nuk diskutohet… Moj kryetare…
Bogdani: Ore kështu e gjykova. Kush je ti që më tregon mua?
Stojani; Po kush je ti që vë në diskutim moj?
Bogdani: Po rrëzoje o burrë..
Stojani: Po nuk rrëzohet moj…
Bogdani: Dakord, mbase jam çmendur unë.
Stojani: Po je çmendur moj, je çmendur. Po je çmendur…, po je çmendur moj..
Linku i audios së mbledhjes së KLP: Kliko këtu
