KRUJË-Një shpërthim me tritol ka ndodhur në orët e para të mëngjesit të sotëm në Krujë. Ngjarja ka ndodhur rreth orës 03:20, në rrugën “Vrana Konti”, ku një sasi lëndë plasëse i është vendosur një automjeti tip “Opel Corsa”. Mjeti është në pronësi të shtetasit Elton Kani, 25 vjeç.
Fatmirësisht si pasojë e shpërthimit ka vetëm dëme materiale. Nuk dihet ende se kush janë autorët, ndërkohë policia ka nisur hetimet për zbardhjen e plotë të ngjarjes.
Njoftimi i policisë:
Rreth orës 03:20, në rrugën “Vrana Konti” dyshohet se në automjetin tip “Opel Corsa” në përdorim nga shtetasi E. K., 25 vjeç, është vendosur një sasi e vogël lëndë plasëse, ku janë shkaktuar vetëm dëme në pjesën e parë të automjetit.
Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorit/ve si dhe dokumentimin e plotë të ngjarjes./ZËRI
