BELGJIKË- Arrestohen dy personat e dyshuar për vrasjen e shqiptarit Marko Beka në Geel të Belgjikës, të premten në mbrëmje. Lajmi bëhet i ditur nga prokuroria e Anversës, ndërsa bëhet fjalë për dy persona, 20 dhe 24 vjeç, nga Merksem dhe Geel. Ende nuk dihet motivi i ngjarjes.
Lajmi në mediat belge
Vrasja ndodhi të premten në mbrëmje rreth orës 21:00 në Larum, një fshat i vogël i Geel-it në rajonin e Kempenit. Pas një telefonate emergjente, policia dhe shërbimet e ndihmës gjetën një person të shtrirë në rrugë me një plagë nga arma e zjarrit. U tentua reanimimi, por ndihma mbërriti tepër vonë.
Viktima u gjet jo larg automjetit të tij. Ai ishte një shofer taksie 45-vjeçar me një kompani të tijën. Personi me origjinë shqiptare lë pas një bashkëshorte dhe 3 fëmijë.
Gjatë ditëve të fundit janë kryer disa kontrolle banesash dhe janë arrestuar 2 të dyshuar, njofton prokuroria. Bëhet fjalë për dy persona, 20 dhe 24 vjeç, nga Merksem dhe Geel.
Pas marrjes në pyetje, ata u paraqitën mbrëmë para gjyqtarit hetues dhe u arrestuan nën dyshimin për vrasje. Të premten do të dalin para dhomës së këshillimit, e cila do të vendosë për vazhdimin e paraburgimit të tyre.
Hetimet gjyqësore vazhdojnë intensivisht.
“Në këtë moment ende nuk është e qartë se kush e ka qëlluar plumbin fatal dhe cili ka qenë motivi i të shtënave”, deklaron prokuroria./ZËRI
