TIRANË- Plagosi fqinjin pas sherrit për vendosjen e pengesave në rrugë, dorëzohet në Policinë e Tiranës Amarildo Kamberi (Kuçi).
Kamberi plagosi me armë zjarri fqinjin e tij, Xhevahir Kolaverin, ngjarje kjo e ndodhur mbrëmjen e të shtunës. Shkak për ngjarjen u bë një konflikt banal mes tyre për shkak të një vendi parkimi, dhe për shkak të pengesave që ishin vendosur në rrugë.
Policia thotë se ka sekuestruar edhe armën e përdorur për plagosjen si dhe një sasi municioni luftarak.Sa i përket Kolaverit ai ndodhet në spital, jashtë rrezikut për jetën.
-
VIDEO- Plagosja në Tiranë/ Policia: Sherr mes fqinjëve
17 Shkurt, 18:32
NJOFTIMI I POLICISË:
Vetëdorëzohet në Polici, 31-vjeçari që plagosi me armë zjarri fqinjin e tij, më datë 17.02.2024.
Sekuestrohet arma e zjarrit pistoletë e dyshuar e përdorur për plagosjen dhe sasi municioni luftarak.
Specialistët e Seksionit për Hetimin e Krimeve Ndaj Personit në DVP Tiranë ndaluan shtetasin A. K.(K)., 31 vjeç, banues në Tiranë.
Ky shtetas, më datë 17.02.2024, rreth orës 17:35, në rrugën “Haki Shehu”, Tiranë, është konfliktuar për motive të dobëta, me fqinjin e tij, shtetasin Xh. K., dhe gjatë konfliktit e ka qëlluar atë me armë zjarri.
Si pasojë shtetasi Xh. K. është dëmtuar. Aktualisht ndodhet jashtë rrezikut për jetën.
Në cilësinë e provës materiale u sekuestrua arma e zjarrit pistoletë, e dyshuar e përdorur gjatë ngjarjes, dhe sasi municioni luftarak.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjjthshëm Tiranë, për veprime të mëtejshme.
/ZËRI
