ABU DHABI- A e keni imagjinuar të udhëtoni pa ju nevojitur pasaporta? Epo kjo mund të realizohet së shpejti. Deri në vitin 2025 Aeroporti Ndërkombëtar Zayed i Abu Dhabit, po planifikonm të lejojë turistët të vizitojnë vendin pa mjete identifikimi.
Aeroporti është i njohur për infrastrukturën e tij të teknologjisë së lartë dhe së fundmi u vlerësua nga sipërmarrësi Elon Musk me fjalët “SHBA duhet t’i arrijë”.
Projektin i Udhëtimit Smart synon të instalojë sensorë biometrikë në çdo pikë kontrolli identifikimi të aeroportit, nga sportelet e kontrollit deri te kabinat e emigracionit, tarifat pa taksa, sallonet e linjave ajrore dhe portat e imbarkimit.
Në një anketë të tetorit 2023 nga Shoqata Ndërkombëtare e Transportit Ajror (IATA), 75% e pasagjerëve pohuan se do të preferonin përdorimin e të dhënave biometrike në vend të pasaportave në letër dhe kartës së identifikimit. Aeroporti Ndërkombëtar i Hong Kongut, Tokio Narita, Tokyo Haneda dhe Indira Gandhi International i Delhi kanë nisur gjithashtu terminale biometrike gjatë tranzitit. /ZËRI/
