ITALI- Roma është tronditur nga një rast i rëndë i abuzimit me fëmijët, ku autore është nëna e tyre. 25-vjeçarja është në gjyq për keqtrajtim dhe lëndime të fëmijëve të saj 4 dhe 6 vjeç.
"Ata u trajtuan si fëmijët e kampit të shfarosjes së Aushvicit", tha polici në sallën e gjyqit, teksa përshkruante gjendjen në të cilën ishin gjetur dy të miturit.
Arrestimi i gruas daton në maj 2023, por dhuna ndaj fëmijëve të saj kishte të paktën dy vjet që vazhdonte.
Hetimet treguan një realitet të tmerrshëm. Fëmijët, siç raporton La Repubblica, u rrahën jo vetëm me shqelma dhe grushta, por edhe me shkopinj dhe tela televizori, si dhe iu hodh ujë i valuar. Për më tepër, sipas prokurorit të çështjes Antonio Verdi, gruaja ka fikur cigaret në lëkurën e fëmijëve të saj. Në dokumentet gjyqësore përmenden “lezionet papulare të përhapura në të gjithë trupin”, “ënjtje”, lezione djegieje, “edema të këmbëve dhe kyçeve”.
Kur u gjetën nga policia, dy fëmijët mezi lëviznin dhe u përpoqën të qëndronin në këmbë. Sipas magjistratëve, nëna nuk iu kishte dhënë as për të ngrënë, duke i detyruar ata të jetonin në një mjedis higjienik "shumë të mangët dhe jo të shëndetshëm". Nëna akuzohet për rrethanë rënduese të “torturës”.
Kur i gjeti policia, të vegjlit u shprehën me gjeste, nuk dinin të flisnin dhe të komunikonin.
Babai nga ana tjetër, ishte larguar drejt Francës, duke marrë me vete dy nga katër fëmijët që kishte me 25-vjeçaren. Ajo vazhdoi të jetonte me dy fëmijët e tjerë në një kamp ciganësh derisa gjeti një partner të ri. Çifti u zhvendos në një apartament së bashku, por atje vëmendja e tyre iu kushtua ekskluzivisht fëmijëve të tij./ZËRI
