ARGJENTINË- Presidenti i Ukrainës Volodymyr Zelenskyy ka patur një përballje të tensionuar me kryeministrin hungarez Viktor Orban të dielën, ndërsa të dy u panë duke biseduar gjatë inaugurimit të presidentit të ri të Argjentinës, Javier Milei.
Dy liderët u panë duke biseduar në një cep të parlamentit argjentinas pasi Orban kërcënoi se do të bllokonte më shumë mbështetje financiare të Bashkimit Evropian për Kievin. Orban është i bindur se Kongresi nuk do të miratojë një ligj të ri për dhënien e ndihmës ushtarake për Ukrainën dhe kjo është arsyeja pse ai po përpiqet të bllokojë ndihmën nga Bashkimi Evropian. Një video gati 20 sekonda tregoi përballjen mes Zelenskyy-t dhe Orban në parlamentin ku ishin mbledhur qindra liderë.
Zelensky and Orban having an animated chat on the sidelines in Argentina a week before the European Council is to decide on opening accession negotiations with Ukraine, which the Hungarian PM has been against. ????
— Christopher Miller (@ChristopherJM) December 10, 2023
pic.twitter.com/RomW6tLfkC
Ndërsa detajet e bisedës nuk janë bërë publike, përballja midis dy liderëve vjen përpara një samiti të BE-së në 14-15 dhjetor për të vendosur nëse do të fillojnë bisedimet e anëtarësimit me Ukrainën. Orban ka kundërshtuar përparimin e kërkesës së Ukrainës për t'u bashkuar me BE-në.
Ndërkohë presidenti amerikan Joe Biden e ftoi Zelenskyy-n në një takim në Shtëpinë e Bardhë më 12 dhjetor. Kjo është bërë e ditur në një deklaratë me shkrim nga sekretarja e shtypit e Shtëpisë së Bardhë, Karin Jean-Pierre. Të dy liderët do të diskutojnë projektet e përbashkëta ushtarake, nevojat urgjente të Kievit, veçanërisht projektet e përbashkëta për prodhimin e armëve dhe sistemeve të mbrojtjes ajrore, si dhe koordinimin e përpjekjeve të dy vendeve në periudhën e ardhshme./ZËRI
