Vrau efektivin e ‘Shqiponjave’ dhe plagosi një tjetër! PAMJET nga stani ku fshihej autori, Braçellari hapi zjarr...
MALIQ-ZËRI ka siguruar pamjet e stanit në Lozhan, ku fshihej autori i vrasjes së efektivit të forcave ‘Shqiponja’ Enea Mekolli 34 vjeç dhe plagosjes së efektivit, Edison Adri.
Braçellari fshihej në stan ndërsa Policia shkoi për ta arrestuar. Stani u rrethua ndërsa 43-vjeçari nuk iu përgjigj thirrjeve të policisë për tu dorëzuar, por hapi zjarr në drejtim të efektivëve ku për pasojë vrau njërin prej tyre dhe plagosi një tjetër. Edhe vetë, i shpallur në kërkim e i dënuar në mungesë me 10 vite burg për ‘Prodhim e shitje të narkotikëve’ mbeti i plagosur me 1 plumb në bark dhe 2 në dorë.
/ZËRI
Vrasësi i policit në Maliq niset drejt Tiranës, familjarët e viktimës 'shpërthejnë' me sharje: O pis, çfarë i bëre...
TIRANË- Autori i vrasjes së efektivit Enea Mekolli dhe plagosjes së kolegut të tij, Edison Adri, Violand Braçellari, është transportuar me ambulancë nga spitali i Korçës drejt Tiranës për mjekim të specializuar. Ai ka marrë plagë në dorë dhe bark gjatë aksionit policor.
Në momentin e transportit, forca të shumta policie siguronin rrugën, pasi në spital ishin të pranishëm familjarë të viktimës. Gjatë futjes në ambulancë, ata kanw reaguar me sharje dhe akuza ndaj autorit: “O të q… m…! O pis…! Çfarë i bëre”./ZËRI
Vritet efektivi në krye të detyrës/ Hita nga Trauma: Policia e Shtetit humbi shërbëtorin e saj! Mjekja: Është në intubim
TIRANË- Drejtori i Policisë së Shtetit, Skënder Hita, ka qenë i pranishëm në Spitalin e Traumës në momentin kur ka mbërritur efektivi i plagosur gjatë ngjarjes në Maliq.
Hita ka deklaruar se Policia e Shtetit humbi një nga shërbëtorët e saj, ndërsa një tjetër punonjës policie ndodhet në gjendje të rëndë dhe po merr ndihmë mjekësore.
“Policia e Shtetit humbi shërbëtorin e saj, në shërbim të qytetarëve. Edhe një punonjës policie është i plagosur rëndë dhe po merr ndihmë mjekësore. Edhe personi në kërkim gjatë shkëmbimit të zjarrit u plagos dhe është në spitalin e Korçës. Është vërtet një ngjarje nga ato të cilat të lënë pa fjalë, ku nuk do doja të isha para jush. Hetimet kanë filluar, i kam autorizuar të nisen drejt Korçës. Do largohem drejt Korçës dhe do keni njoftim më zyrtar”, tha Hita.
Ndërkohë mjekja që ka marrë në kujdes efektivin e plagosur në spitalin e Korçës ka deklaruar se pacienti është intubuar dhe është futur menjëherë në bllokun operator për vlerësim.
“Pacienti është pritur në spitalin e Korçës, është intubuar. U fut menjëherë në bllokun operator dhe po vlerësohet. Do themi më shumë për ecurinë në vijim, po bëhet maksimumi. Ka lëndime në pjesën e qafës dhe kokës”, tha mjekja.
36-vjeçari Edison Adri, efektivi i 'Shqiponjave' që mbeti i plagosur gjatë aksionit në Maliq, ka mbërritur pak minuta më parë te Trauma në Tiranë. Fillimisht ai ka marrë ndihmën e parë në Spitalin e Korçës, por më pas ëshë transportuar drejt Traumës për mjekim të specializuar./ZËRI
Mbeti i plagosur gjatë aksionit për kapjen e 43-vjeçarit në Maliq, mbërrin te Trauma efektivi (VIDEO)
TIRANË- Ky është momenti kur 36-vjeçari Edison Adri, efektivi i 'Shqiponjave' që mbeti i plagosur gjatë aksionit në Maliq, ka mbërritur te Trauma në Tiranë.
Efektivi u plagos gjatë operacionit për kapjen e të kërkuarit Violand Braçellari. 36-vjeçari mori plagë në nofull, ndërsa efektivi tjetër Enea Mekolli mbeti i vrarë.
Po ashtu i plagosur ka mbetur edhe vetë autori i ngjarjes, pasi efektivët u kundërpërgjigjën me zjarr për ta neutralizuar. /ZËRI
Vrau efektivin e "Shqiponjave" dhe plagosi policin tjetër, momenti kur autori mbërrin në spital
MALIQ- Ky është momenti kur Violand Braçellari 43-vjeç, autori i vrasje së policit në Maliq, mbërrin në spitalin e Korçës me plumbin në bark.
43-vjeçari hapi zjarr ndaj policisë të cilët ishin mobilizuar për kapjen e tij, ku për pasojë mbeti i vrarë efektivi i ‘Shqiponjave’ Enea Mekolli dhe u plagos efektivi tjetër, Edison Adri.
Braçellari ishte shpallur në kërkim dhe dënuar me 10 vite burg për prodhim e shitje të narkotikëve ndërsa ishte fshehur në një stan në Lozhan dhe refuzonte të dorëzohej. Policia i është kundërpërgjigjur me armë zjarri për ta neutralizuar, dhe për pasojë ka mbetur i plagosur me një plumb në pjesën e barkut./ZËRI
Ngjarja në Maliq/ Kryeministri Rama shpall ‘Dëshmor i Atdheut’ efektivin e vrarë: Dënim maksimal për autorin
TIRANË- Kryeministri Edi Rama ka reaguar për ngjarjen e rëndë të regjistruar sot në Lozhan të Maliqit, ku mbeti i vrarë efektivi i forcave ‘Shqiponjave’ Enea Mekolli dhe u plagos kolegu i tij.
Në reagimin e tij, Rama ka shpallur ‘Dëshmor i Atdheut’ efektivin e vrarë në krye të detyrës, ndërsa i uroi shërim të shpejtë efektivit të plagosur.
Ai theksoi gjithashtu se autori i ngjarjes duhet të marrë ndëshkim maksimal dhe vlerësoi punën e Policisë së Shtetit, duke deklaruar se ajo nuk do të ndalet në misionin e saj për mbrojtjen e qytetarëve.
Postimi i Ramës
Gjatë një operacioni kurajoz për kapjen e një të shumëkërkuari, që prej vitesh i fshihej ligjit në malet e Korçës dhe në mënyrë të përsëritur kishte arritur t’u ikte rrethimeve të forcave të rendit, ka humbur jetën një efektiv policie e është plagosur një i dytë, ndërkohë që pasi ka hapur zjarr ndaj tyre u plagos dhe u kap edhe krimineli!
Nderim përjetë dëshmorit të atdheut, ngushëllime familjes dhe shërim të shpejtë efektivit tjetër
Ndëshkim maksimal për të shumëkërkuarin dhe respekt maksimal për Policinë e Shtetit, që nuk do të ndalet asnjëherë në misionin e saj.
U plagos nga shkëmbimi i zjarrit në Maliq, efektivi i "Shqiponjave" niset me helikopter drejt Traumës
MALIQ- Edison Adri, efektivi i "Shqiponjave", i cili mbeti i plagosur rëndë nga operacioni në Lozhan të Maliqit, është nisur drejt Spitalit të Traumës. Siç shihet edhe në foton e mësipërme, 36-vjeçari po transportohet me helikopterin e ushtrisë për mejkim të specializuar te Trauma në Tiranë.
Mësohet se ndihmën e parë mjekësore ai e ka marrë në spitalin e Korçës, megjithatë, ende nuk dihet sesi është gjendja e tij shëndetësore.
Ngjarja e rëndë u regjistrua sot në Maliq, ku gjatë një operacioni për kapjen e një personi në kërkim, u vra polici Enea Mekolli./ZËRI
Ish-ushatarak dhe në kërkim prej 2017-ës, ky është 43-vjeçari që vrau një polic dhe plagosi rëndë kolegun e tij
MALIQ- Violand Bracellari është autori i ngjarjes së rëndë në fshatin Lozhan të zonës së Maliqit në Korçë, ku gjatë një shkëmbi zjarri u vra efektivi Enea Mekolli dhe është plagosur Edison Adri. Braçellari është dënuar me rreth 10 vite burg për prodhim dhe shitje narkotikësh.
"Violand Braçellari, 43 vjeç, i dënuar në vitin 2017 me 9 vjet, 11 muaj e 7 ditë burgim nga Gjykata e Korçës, për veprën penale “Prodhimi dhe shitja e narkotikëve”, ndërsa në vitin 2011 ndaj tij është caktuar masa e sigurisë “Arrest në burg”, për veprën penale “Kultivimi i bimëve narkotike”", njoftoi policia.
Burime bëjnë me dije se autori Bracellari ishte ushtarak dhe njohës shumë i mirë i armëve. Ai jetonte në një stan në pyll ku bënte stërvitje dhe qitje.
Mësohet se 43-vjeçari ishte i shpallur në kërkim, teksa policia kishte mundur ta lokalizonte dhe mëngjesin e sotëm ndërmori një operacion për ta arrestuar në vendlindjen e tij.
Siç njoftoi policia, Bracellari nuk i është bindur urdhrave të policisë dhe është përgjigjur me të shtëna kundrejt thirrjeve për dorëzim dhe është përgjigjur me zjarr ndaj efektivëve. Si pasojë e shkëmbimit të zjarrit, ka mbetur i vdekur efektivi i forcave Shqiponja, Enea Mekolli dhe është plagosur Edison Adri./ZËRI
E rëndë në Maliq! Vritet efektivi i "Shqiponjave", policia: Autori nuk iu bind urdhrit për t'u dorëzuar dhe hapi zjarr (EMRAT)
MALIQ- Një ngjarje e rëndë është regjistruar në zonën e Lozhanit, në Maliq, ku gjatë një operacioni policor ka humbur jetën një efektiv i Policisë së Shtetit, Enea Mekolli, ndërsa efektivi tjetër Edison Adri ka mbetur i plagosur.
Sipas njoftimit të policisë, mëgjesin e sotëm rreth orës 07:30, strukturat e policisë pasi kanë lokalizuar një person në kërkim. Shërbimet e policisë kanë rrethuar zonën dhe i kanë bërë thirrje të kërkuarit të dorëzohej, por ky i fundit, nuk i është bindur thirrjes dhe ka hapur zjarr ndaj policisë.
Blutë e Korçës bëjnë me dije se autori i dyshuar i ngjarjes, 43-vjeçari Violand Braçellari, i cili ishte shpallur në kërkim për kultivim dhe prodhim e shitje narkotikësh, është arrestuar. Aktualisht, ai ndodhet në spital, pasi është plagosi gjatë ndërhyrjes së policisë.
Për të neutralizuar sulmin e të kërkuarit, shërbimet e Policisë i janë kundërpërgjigjur me armë zjarri dhe, si pasojë e shkëmbimit të zjarrit, ka mbetur i plagosur edhe i kërkuari, shtetasi Violand Braçellari, i cili më pas është arrestuar.
Njoftimi i policisë:
Korçë/Informacion paraprak
Humbet jetën në krye të detyrës, 1 punonjës policie, si dhe plagoset një tjetër punonjës policie, nga sulmi me armë zjarri nga një person i kërkuar i cili u neutralizua dhe u plagos gjatë shkëmbimit të zjarrit gjatë një operacioni për kapjen e tij.
Në zbatim të planit të masave për kapjen e personave në kërkim, bazuar dhe në informacionet e siguruara për vendndodhjen e një personi të kërkuar, me rrezikshmëri të lartë, shërbimet e Drejtorisë Vendore të Policisë Korçë, Komisariatit të Policisë Maliq dhe të Komisariatit të Policisë Korçë, kanë organizuar punën dhe kanë shkuar në zonën e Lozhanit, në malin Boden, Bashkia Maliq.
Rreth orës 07:30, shërbimet e Policisë kanë rrethuar vendin (stanin) ku dyshohej se fshihej personi në kërkim, konkretisht shtetasi Violand Braçellari, 43 vjeç, i dënuar në vitin 2017 me 9 vjet, 11 muaj e 7 ditë burgim nga Gjykata e Korçës, për veprën penale “Prodhimi dhe shitja e narkotikëve”, ndërsa në vitin 2011 ndaj tij është caktuar masa e sigurisë “Arrest në burg”, për veprën penale “Kultivimi i bimëve narkotike”.
Shërbimet e Policisë i kanë bërë thirrje të kërkuarit të dilte dhe të dorëzohej, por ai nuk i është bindur thirrjes së Policisë dhe ka hapur zjarr në drejtim të punonjësve të Policisë, ku për pasojë ka humbur jetën punonjësi i Policisë, inspektor E. M., 34 vjeç, dhe ka mbetur i plagosur punonjësi i Policisë, inspektor E. A., 36 vjeç (të dy punonjës të Forcës së Posaçme “Shqiponja” të DVP Korçë).
Për të neutralizuar sulmin e të kërkuarit, shërbimet e Policisë i janë kundërpërgjigjur me armë zjarri dhe, si pasojë e shkëmbimit të zjarrit, ka mbetur i plagosur edhe i kërkuari, shtetasi Violand Braçellari, i cili më pas është arrestuar.
Në drejtim të vendit të ngjarjes është nisur helikopteri i shëndetësisë.
Grupi hetimor, nën drejtimin e Prokurorisë dhe në bashkëpunim me Agjencinë e Mbikëqyrjes Policore, po vijon punën për dokumentimin e plotë ligjor të kësaj ngjarjeje shumë të rëndë, ku humbi jetën në krye të detyrës një punonjës Policie dhe mbeti i plagosur një tjetër punonjës i Policisë.
