TIRANË-Partia Demokratike do të zhvillojë më 1 korrik mbledhjen konstituive të Këshillit të ri Kombëtar, rreth një muaj pas përfundimit të procesit për zgjedhjen e anëtarëve të këtij organi.
Gjatë kësaj mbledhjeje pritet të zgjidhen kryetari i Këshillit Kombëtar, si edhe përbërja e re e Kryesisë së partisë, duke shënuar një tjetër etapë në procesin e riorganizimit të strukturave drejtuese të PD-së.
Kryetari aktual i PD-së Sali Berisha ka deklaruar më herët se shtyrja e mbledhjes lidhej me punimet e rikonstruksionit të sallës së mbledhjeve në selinë qendrore të Partisë Demokratike.
Mbledhja e Këshillit Kombëtar dhe zgjedhja e drejtuese vijnë në vijim të vendimeve të marra në Kuvendin Kombëtar të 30 majit, në kuadër të procesit të riorganizimit dhe ripërtëritjes së Partisë Demokratike.
