DURRËS- Bashkia e Durrësit ka njoftuar se vijon procesi i emërimit të drejtorëve të dorëhequr. Sipas asaj që bën me dije Bashkia, janë dorëhequr kryetarët e 6 Njësive Administrative të Bashkisë Durrës për qytetin dhe kreu i Njësisë së Sukthit. Bashkia ka konfirmuar dorëheqjet dhe zëvendësimin nga 7 emra të tinj në detyrë, teksa vetë ky institucion ka publikuar edhe emrat.
Njoftimi i Bashkisë së Durrësit:
“Në përgjigje të interesit të mediave, ju bëjmë me dije se administratorët e njësive administrative të qytetit të Durrësit kanë dhënë dorëheqjet dhe janë zëvendësuar. Administratorët e sapoemëruar në njësitë administrative të qytetit të Durrësit dhe njësisë administrative Sukth janë:
-Njësia Administrative Sukth – Erjon Xhili
-Njësia Administrative Nr.1 – Pranvera Gagani
-Njësia Administrative Nr. 2 – Alketa Veseli
-Njësia Administrative Nr. 3 – Petrit Ismailati
-Njësia Administrative Nr. 4 – Frederik Musai
-Njësia Administrative Nr. 5 – Redion Tabaku
-Njësia Administrative Nr. 6 – Agustin Ndoj
Kjo lëvizje në Bashkinë e Durrësit vjen pas shkarkimeve në Bashkinë e Vlorës dhe paralajmërimeve të Ramës. Kryeministri zhvilloi një vizitë në Bashkinë Durrës, më 8 korrik, ku kërkoi largimin e drejtuesve nga detyra./ZËRI
