TIRANË-Partia Socialiste pritet të mbledhë Kryesinë nesër në orën 09:00. Në mbledhje do të jetë prezent edhe kryeministri, Edi Rama.
Arsyet dhe detajet e mbledhejs ende nuk bëhet me dije, por sipas burimeve, në fokus do të jetë caktimi i datës së Asamblesë së Partisë Socialiste. Po ashtu, në takim pritet që të diskutohet edhe kërkesa e SPAK për heqjen e imunitetit të Belinda Ballukut.
Kjo mbledhje vjen pas mbledhjes së zgjeruar të Grupit të PS të mbajtur pak ditë më parë dhe pas ndryshimeve të forta në Qeveri. Me ndryshimet në Qeveri pak ditë më parë, kryeministri Rama shkarkoi edhe Belinda Ballukun nga pozicioni i zv.kryeministres dhe ministres së Infrastrukturës e Energjitikës.
Ndryshimet:
Ikën Belinda Balluku- zëvendësohet nga Albana Koçiu
Besfort Lamallari - Minister i Brendshëm - zëvendeson Albana Koçiun
Toni Gogu - Ministër Drejtësie - zëvendëson Besfort Lamallarin
Ferit Hoxha - Minister i Jashtem - ikën Elisa Spiropali
Enea Karakaçi - Ministër Infrastrukture dhe Energjitike - zevendëson Belinda Ballukun
Ermal Nufi - Ministër i Mbrojtjes- ikën Pirro Vengu
Eriona Ismaili - Ministër për Marrëdheniet me Parlamentin - zëvendeson Toni Gogun./ZËRI
