TIRANË- Tymi dhe flaka që ndezën brenda sallës së Kuvendit të Shqipërisë i ka lumturuar deputetët e Partisë Demokratike. Siç duket edhe nga pamjet e siguruara nga "Zëri.ai", Fatmir Mediu duket se ka mbledhur bashkë kolegët e tij, Flamur Noka, Edi Paloka dhe Albana Vokshi dhe u tregon diçka në telefonin e tij. Nuk dihet se çfarë por pamja në telefon, u ka shkaktuar të gjithëve buzëqeshje.
Ndoshta kanë parë raportimin në media të aksionit të tyre opozitar.
Sot, mes tymueseve, karrigeve të mbledhura në Foltoren e Kuvendit, PS miratoi projektligjin më të rëndësishëm atë të pr/buxhetit 2024. Seanca ka zgjatur më pak se 5 minuta për shkak të skenarit të kaosit që deputetët e opozitës edhe kësaj here ishin të vendosur për të mos lejuar zhvillimin normal./Zëri.ai
