SHBA- Industria botërore është duke ‘shpërthyer’ nga skandali i reperit të famshëm, tre herë fituesi i Grammy, Sean Jon Combs, i njohur si Diddy ose Puff Daddy, i cili akuzohet për përdhunime duke përfshirë të miturit nën ndikimin e drogës, trafik seksual, prostitucion të detyruar, zhvatje, mashtrim dhe po rrezikon më shumë se 15 vjet burg. Fakti që deri më tani dy kërkesat për lirim nga burgu i janë refuzuar, tregon se provat që janë mbledhur ndaj tij janë të shumta dhe të rëndësishme. Këto sigurisht përfshijnë më shumë se 100 shishe me vaj për fëmijë, drogë dhe armë të gjetura gjatë kontrolleve në shtëpitë e tij.
E vërteta është se shumë emra të njohur të fushës së showbiz-it, biznesit dhe politikës kanë "humbur" gjumin pas arrestimit të agjentit të fuqishëm muzikor, me të cilin shpesh takoheshin në lançimet diskografive, aktivitetet e bamirësie dhe sigurisht në festat madhështore të cilat ai e organizoi, që nga fillimi i viteve '90 e deri vonë.
Skandali Diddy, mund të marrë përmasa edhe më të mëdha në të ardhmen e afërt, ai ka qenë ‘kryefjala’ e tre javëve të fundit në mediat sociale dhe veçanërisht në TikTok, ku janë ngarkuar miliona postime çdo ditë. Disa përfshijnë informacione të reja dhe të tjera kufizohen me teorinë e konspiracionit, megjithëse në këto raste asgjë nuk përjashtohet.
Pra, sipas disa skenareve, Diddy, së bashku me mikun e tij të ngushtë dhe bashkëpunëtorin Jay Z, si pjesë e përpjekjes së tyre për të marrë përsipër yje të industrisë së muzikës, dyshohet se janë përfshirë në vrasjen e Michael Jackson dhe reperëve me ndikim si Tupac Shakur dhe The B.I.G., në 1996 dhe 1997, por edhe këngëtarjes super të talentuar Aliya, e cila vdiq në një aksident mes avionëve në 2001. Dyshimet u ngritën pasi potencialisht ajo shihej si një pengesë për karrierën e Beyonce.
Përveç kësaj, është publikuar një këngë në të cilën Justin Bieber mund të dëgjohet duke kënduar "Humba veten në një nga festat e Diddy, e bëra për një Ferrari, por më kushtoi më shumë se shpirti im", duke nënkuptuar se ai ka qenë viktimë e saj. Megjithatë, kjo këngë nuk është e listuar në asnjë katalog zyrtar, kështu që konsiderohet si produkt i përpunimit të inteligjencës artificiale. Mirëpo, vetë artisti nuk ka bërë asnjë deklaratë për gjithë këtë.
Disa të tjerë, sërish pretendojnë se zbulimet për festat e orgjisë së Diddy-t janë përgjegjëse për divorcin e Lopez dhe Ben Affleck, por edhe për krizën e përfolur në martesën e Ashton Kutcher me Mila Kunis.
Ndërsa thashethemet për jetën e fshehtë të Diddy kanë qarkulluar si legjenda urbane për dekada, ishte një padi e bërë nëntorin e kaluar nga partnerja e tij, këngëtarja Cassie Ventura, e cila pretendonte për përdhunim dhe abuzim të përsëritur fizik. Ajo dëshmoi se nga viti 2005, kur ishte 19 vjeç, deri në vitin 2018, kur lidhja e tyre mbaroi, ai e detyronte të kryente akte seksuale me persona të tjerë, ndërsa ishte duke filmuar dhe ishte jashtëzakonisht i dhunshëm ndaj saj. Konfirmimi tronditës i ankesave të saj, në fakt ishte një video e një kamera sigurie, e cila doli në dritë disa muaj më parë, në të cilën reperi 58-vjeçar shihet qartë duke e ndjekur në korridorin e hotelit dhe pasi e dhunon dhe i fut në gojë një lëndë narkotike.
Vetëm pak ditë më vonë, u bënë denoncime zyrtare nga gra të cilat e akuzuan se ai i përdhunoi, në disa raste së bashku me persona të tjerë, pasi fillimisht i drogoi me substanca që i hidhte në pijet e tyre, duke përfshirë edhe anestezinë e kuajve!/ ZËRI
