KOSOVË-16 shtatori ishte një ditë 'zie' për shqiptarët, ku pas vendimit të Gjykatës Speciale e cila dënoi me 81 vite burg ish-krerët e UÇK-së, protetstat shpërthyen në Hagë e Prishtinë. Shqiptarët e Kosovës deri në orët e vona protestuan para zyrave të EULEX-it.
Protestuesit në shenjë revolte hodhën gurë dhe mjete piroteknike drejt ndërtesës. Si pasojë, një pjesë e vogël e çatisë mori flakë. Në zonë u shtua prania e forcave speciale të Policisë së Kosovës. Policia shoqëroi dy protestues. Njëri prej tyre u la i lirë, ndërsa tjetri vijon të mbahet në qeli.
Haga dënoi me 81 vite burg në total 4 ish-krerët e UÇK-së për krime lufte. Dhomat e Specializuara në Hagë dënuan me nga 25 vite burg Hashim Thaçin dhe Jakup Krasniqin, me 18 vite Kadri Veselin dhe me 13 vite Rexhep Selimin. Qytetarët e ndoqën live seancën e Gjykatës Speciale në një ekran të madh të vendosur në sheshin e Prishtinës. Pas vendimit, ata u nisën drejt zyrave të Misionit të Bashkimit Evropian për Sundimin e Ligjit në Kosovë.
