MALIQ- Një aksident i rëndë ka ndodhur në orët e para të mëngjesit në fshatin Pendavinj të Maliqit. Policia bën me dije se në aksident janë përfshirë një makinë dhe një furgon mallrash, ku si pasojë janë plagosur 7 persona.
Raportohet se njëri prej personave të përfshirë në aksident është në gjendje të rëndë dhe është transportuar me helikopter në Spitalin e Traumës në Tiranë, ndërsa 6 të tjerët kanë marrë lëndime të lehta. Të plagosurit janë drejtues dhe pasagjerë në të dyja automjetet.
"Rreth orës 05:55, në afersi të fshatit Pendavinj, është përplasur automjeti tip “Benz” furgon me drejtues shtetasin I. M., me automjetin tip “Volksëagën” me drejtues shtetasin B. C.
Si pasojë e aksidentit janë dëmtuar drejtuesi i furgonit dhe 3 pasagjerë në këtë automjet si dhe 3 pasagjerë që udhëtonin me automjetin tip “Volksëagen”, të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave dhe shkakut të aksidentit", njofton policia. /ZËRI
