DIVJAKË-Një aksident me vdekje është regjistruar në rrugën nacionale Çermë-Divjakë. Një motoçikletë ka përplasur një grua 71-vjeçare teksa ishte duke kaluar rrugën. Ike Dervishi rreth 71 vjeç ka humbur jetën në spital, ndërsa policia ka ndaluar drejtuesin e motoçikletës shtetasin Leandro Xhillari, 22 vjeç.
Njoftimi i policisë:
Rreth orës 09:00, në aksin rrugor “Çermë Proshkë-Divjakë”, shtetasi L. Xh., 24 vjeç, duke drejtuar një motomjet pa leje drejtimi, ka përplasur këmbësoren I. D., 71 vjeçe, e cila si pasojë e përplasjes ka humbur jetën.
Shërbimet e Policisë kanë shoqëruar drejtuesin e motomjetit, shtetasin L. Xh., në Komisariat për kryerjen e veprimeve të mëtejshme procedurale.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
