TIRANË- Biznesmeni Rrok Gjoka është paraqitur këtë të mërkurë në ambientet e Prokurorisë së Posaçme (SPAK), ku ka qëndruar për rreth tre orë. Pas daljes nga godina e SPAK, Gjoka nuk ka dhënë asnjë deklaratë për mediat, ndërsa deri në këto momente nuk ka një informacion zyrtar mbi arsyen e thirrjes së tij.
Ndërkohë, sipas burimeve, mësohet se biznesmeni është pyetur lidhur me procedurat e prokurimit dhe tenderët për ndërtimin e rrugëve, të fituara nga kompania e tij, “Gjoka Konstruksion”. Prej vitesh, kompania e tij ka fituar tenderë për disa projekte të rëndësishme infrastrukturore në vend./ZËRI
Poll
