TIRANË-Banorët e znës së Selitës së Vogël në Tiranë janë tronditur në orët e para të mëngjesit nga një shpërthim me tritol. Lënda plasëse është hedhur në automjetin e parkuar në oborrin e një banese, në pronësi të Dritan Janos. Si pasojë e shpërthimit fatmirësisht nuk raportohet për të lënduar, vetëm dëme materiale.
Policia ndodhet në vendngjarje për të zbardhur rastin, ndërsa po punohet me kamerat e sigurisë në zonë për të identifikuar dhe kapur autorin/ët.
Njoftimi i policisë:
Më datë 19.12.2025, rreth orës 03:20, në Selitë të Vogël, dyshohet se është hedhur një sasi lënde plasëse në automjetin e shtetasit D. J., rreth 39 vjeç, i cili ka qenë i parkuar në oborrin e banesës së tij. Si pasojë, pati vetëm dëme materiale.
Grupi hetimor është në vendngjarje dhe po punon për sqarimin e rrethanave të rastit, si dhe për identifikimin dhe kapjen e autorit/ëve.
