TIRANË-Gjykata e Posaçme e Apelit la ne fuqi vendimin e shkallës së parë për 10 personat e arrestuar, për laboratorin e kokainës që u zbulua në Frakull të Fierit. Të akuzuarit e shpallur fajtor për trafik narkotikësh, armëmbajtje pa leje si dhe grup i strukturuar kriminal kanë përfituar uljen e 1/3 se dënimit për shkak të gjykimit të shkurtuar. Togat e zeza cilësuan fajtor Nikolin Gjolena, financues i organizatës së narkotrafikut, duke lënë në fuqi vendimin e dënimit me 17 vite burg, por nga gjykimi i shkurtuar, dënimi i reduktohet në 11 vite e 4 muaj.
Vendimi për të pandehurit:
Nikolin Gjolena – 17 vite – 11.4 me gjykim te shkurtuar
Viktor Cervanaku – 15 vite – 10 me gjykim te shkurtuar
Enxhi Ferhati – 12 vite – 8 me gjykim te shkurtuar
Klajdi Kodra – 17 vite – 11.4 me gjykim te shkurtuar
Bledar Matoshi – 12 vite – 8 me gjykim te shkurtuar
Denilson Çervanaku – 17 vite – 11.4
Zenel Çervanaku – 14 vite – 9.4 me gjykim te shkurtuar
Redion Meshi – 14 vite – 9.4 me gjykim te shkurtuar
Julian Malaj – 3 vite – 2 vite me gjykim te shkurtuar për ( moskallëzim krimi ) lirohet menjëherë
Marildo Rona – 12 vite – 8 me gjykim te shkurtuar.
Si u zbulua laboratori?
Laboratori u zbulua në nëntor të vitit 2022. Lajmi u publikua fillimisht nga mediat malazeze, pasi në portin e Tivarit prej muajsh 24 ton pleh kimik i përzierë me 430 kilogramë kokainë priste për marrësin. Kur ky i fundit shkoi në port, ndërhyri DEA dhe u bë arrestimi i tij. Më pas u organizua operacioni për prangosjen e personave të tjerë në Shqipëri. Përpos të arrestuarve, në kërkim është shpallur kolumbiani Zaimir Rodrigez, i cili dyshohet se kishte ardhur në Shqipëri (Frakull) për të bërë ndarjen e kokainës nga plehu kimik. Në kuadër të këtij operacioni u sekuestruan 15,910 Euro; 3 armë zjarri automatik kallashnikov; 3 armë zjarri të llojit pistoletë; 108 copë fishekë luftarake të kalibrave të ndryshëm; 18 aparate telefonash celulare; 5 automjete; 2 laptop dhe 2 armë gjahu./ZËRI
