TIRANË- Saimir Kolaveri nuk është një emër i padëgjuar për policinë! Porositës atentatesh dhe një ndërmjetësues vrasjesh që di t’i shmanget policisë dhe të arratiset.
Ai u përmend në ngjarjen e shpërthimit të tritolit në 27 korrikut të vitit 2018, në Bathore, pasi kishte porositur vendosjen e tritolit në banesën e prindërve të Gazmir Dacit, në shenjë hakmarrjeje.
Saimiri kishte porositur 23-vjeçarin Vilson Brahja, për të ekzekutuar shpërthimin me tritol në banesën e Dacit, i cili është dënuar me 35 vjet burg për vrasjen e Valmir Kolaverit dhe plagosjen e vëllait të tij Robertit në nëntor të 2018-ës. Ngjarja mësohet se ka ndodhur për prishje të pazareve të drogës në Francë. Kolaveri porositi sulmin me tritol si hakmarrje për djemtë e tij. Në atë kohë ai u shpall në kërkim nga autoritetet, pasi ishte larguar nga Shqipëria.
Por Saimir Kolaveri di të bëjë edhe skenare si në filma aksion!
Ekzekutuesi i shpërthimit me tritol, Vilson Brahaj para Gjykatës u shpreh se Saimir Kolaveri i kishte premtuar 5 mijë euro duke i thënë se banesa ku do ndodhte shpërthimi ishte e tij dhe se ngjarjen, po e sajonte për të kërkuar azil jashtë Shqipërisë.
Ai u përmend sërish sot, pasi SPAK lëshoi urdhër arreste për vrasjen e Klevis Lleshit në vitin 2020, si ndërmjetësues në këtë ngjarje mes Aurel Hoxhës që ka porositur vrasjen e të riut kundrejt pagesës prej 50 mijë eurosh, të cilën e kreu Sabah Nuzi. Ai u arrestua nga autoritet italiane pasditen e sotme. Ekstradimi i tij do ta sjellë përballë drejtësisë shqiptare, ndërkohë që ai është i përfshirë në sagën e gjakmarrjes mes dy familjeve Lleshi dhe Hoxha./ZËRI
