TIRANË- Personi që shihni në foto është Dashamir Çajka, mjeku radiolog që plagosi sot një infermier në ambientet e spitalit “Shefqet Ndoqi”. Infermieri Mikel Osmani ka mbetur i plagosur si pasojë e sherri me mjekun radiolog, që ka agravuar deri në përdorimin e armëve të ftohta. Çajka ka plagosur infermierin me gërshërë, ndërsa vetë ka arritur të arratiset.
Mikel Osmani ndodhet nën kujdesin e mjekëve, teksa para oficerëve të policisë ka rrëfyer se sherri nisi për motive banale. “Ne kemi bërë një debat verbal për motive banale. Ka qene konflikt rastit për shkak të punës nuk kemi asgjë personale më njëri tjetrin”, mësohet të jetë shprehur ai. Ndërkohë, sipas asaj që bën me dije policia, dyshohet konflikti mes tyre ka ndodhur për një pacient.
Sakaq, ngjarja ka ndodhur sot në orën 11:20, në ambientet e spitalit 'Shefqet Ndroqi", në Tiranë. Autori i ngjarjes së rëndë, radiologu Dashamir Çajka është arratisur menjëherë pas ngjarjes. Mësohet se Çajka ka pasur më herët edhe një debat të ashpër me Presidentin e Peshëngritjes, Elez Gjozaj./ZËRI
