GREQI-Njq plagosje me armë zjarri është regjistruar në Athinë, ku një shqiptar ka qëlluar drejt një shtetasu pakistanez pasditen e djeshme (27 maj). Ngjarja ndodhi dje në orën 18.30 të pasdites, kur një person hyri në një dyqan telefonash celularë në rrugën “Patision” dhe qëlloi pronarin e dyqanit, me origjinë pakistaneze.
Pas ngjarjes autori ka hipur në një 'BMW' gri, që po e priste jashtë, në të cilën ndodheshin tre persona të tjerë, dhe kanë tentuar të arratiset. Pas një ndjekjeje nga policia, makina me të cilën po arratiseshin autorët u përplas me tre automjete të tjera dhe u ndal plotësisht. Policia arrestoi tre persona, ndërsa një i katërt është në kërkim.
Lidhur me rastin në pranga u vendosën, dy shqiptarë, Jerasimo Korkuti 31 vjeç dhe Adi Beqiri 27 vjeç, si dhe një shtetas grek, ndërsa një i katërt arriti të arratisej. Policia vijon hetimet për zbardhjen e plotë të motiveve të sulmit dhe rolit të secilit prej të arrestuarve në ngjarje./ZËRI
