TIRANË- Një rast mashtrimi me blerje online është raportuar në redaksinë e ZËRI-t. Rasti në fjalë ka të bëjë me dyqanin e lodrave dhe produkteve për fëmijë “Bee Kids”. Qytetarja në denoncimin e saj ka treguar për blerjen e një seti, karrocën dhe dhe pajisjen 'isofix' (mbajtjes së fëmijëve në makinë), vlera e së cilës shkon më shumë se 2 milion lekë, por produkti nuk është vënë në punë, pasi ndryshe nga siç shkruhej në faqen e dyqanit, ‘car seti’ nuk montohej.
"Car Seat (Ndenjësja e makinës) që kthehet në karrocë në pak sekonda mjeti esencial i udhëtimit për prindërit modernë,"-thuhet në përshkrimin e produktit.
Qytetarja ka kontaktuar fillimisht për adaptorët për të montuar pajisjen, por nuk i erdhën dhe ka kërkuar kthimin e lekëve.
Në bisedat me shitësen e dyqanit, kjo e fundit i thotë se është i pamundur rimbursimi dhe nuk mund të procedohet në sistem, pasi klientja ka humbur faturën.
/ZËRI
