SHIJAK- Një konflikt me armë zjarri është regjistruar mbrëmjen e djeshme në Shijak, ku ka mbetur i plagosur një 45-vjeçar. Sipas njoftimit të policisë, 45-vjeçari është konfliktuar me dy kushërinj dhe më pas konflikti ka degraduar në përdorimin e armës. I plagosuri D.Ç., ndodhet në spital nën kujdesin e mjekëve, teksa dy kushërinjtë I. F., 38-vjeç dhe D. F., 35-vjeç, janë në kërkim nga policia.
Njoftimi:
Shijak/Informacion paraprak
Rreth orës 22:30, në lagjen Kodër Shijak, shtetasit I. F., 38 vjeç dhe D. F., 35 vjeç (kushërinj), janë konfliktuar me shtetasin D. Ç., 45 vjeç, dhe gjatë konfliktit 45-vjeçari është plagosur me armë zjarri dhe ndodhet nën kujdesin e mjekëve.
Shërbimet e Policisë po ushtrojnë kontrolle për kapjen e dy shtetasve I. F. dhe D. F.
Ndërkohë, grupi hetimor, nën drejtimin e Prokurorisë, po punon për sqarimin e rrethanave dhe dokumentimin ligjor të këtij rasti.
