foto nga zjarri
KRUJË- Një zjarr ka përfshirë mbrëmjen e sotme zonën e Gramëzit në Krujë, duke djegur sipërfaqe të konsiderueshme me bimësi.
Flakët janë favorizuar nga era, duke bërë që zjarri të përhapet në një sipërfaqe të gjerë. Nga pamjet e siguruara prej zonës, vërehet se vatra është afruar pranë aksit rrugor Thumanë-Kashar.
Tymi ka mbuluar një pjesë të zonës, ndërsa përhapja e flakëve pranë një prej akseve kryesore rrugore ka krijuar një situatë shqetësuese.
Deri në momentin e raportimit nuk bëhet e ditur për ndërhyrje të forcave zjarrfikëse për neutralizimin e flakëve, ndërsa zjarri vijon të jetë aktiv.
Situata mbetet në monitorim, ndërsa përmasat e vatrës dhe kushtet atmosferike mund të ndikojnë në përhapjen e mëtejshme të flakëve./ZËRI
Poll
