BRITANI E MADHE- Një shqiptar që njihet me pseudonimin C9, emri i të cilit nuk është bërë me dije, ka humbur shtetësinë britanike pas akuzave për orkestrimin e një operacioni të madh kontrabande emigrantësh përmes Kanalin Anglez. Mediat britanike shkruajnë se pasi kishte hyrë ilegalisht në Mbretërinë e Bashkuar në vitin 1999, C9 mori me sukses nënshtetësinë britanike përpara se të akuzohej për lehtësimin e hyrjes së qindra emigrantëve, kryesisht shqiptarë.
Udhëtimi i C9 filloi në fund të viteve '90 kur ai hyri në MB. Me kalimin e viteve, ai arriti të ndërtojë një jetë, duke siguruar përfundimisht nënshtetësinë britanike. Sidoqoftë, në vitin 2020 ai u akuzua për pastrim parash, shpërndarje droge, posedim armësh zjarri dhe organizim të një rrjeti kontrabandë emigrantësh, të cilët i transportonte përmes kamionëve.
Por ndërsa COVID-19 përfshiu globin, C9 ndryshoi strategjinë e tij dhe nisi transportin e emigrantëve përmes gomoneve.
Në vitin 2020, Sekretari i Brendshëm revokoi pasaportën britanike të C9 dhe pas një beteje ligjore, Komisioni Special i Apelimit të Emigracionit (SIAC) e la në fuqi këtë vendim në janar 2023. Ky vendim krijon një precedent, duke shënuar herën e parë që dikush humbet nënshtetësinë britanike për shkak të akuzave për kontrabandë emigrantësh.
Pavarësisht provave në rritje kundër tij, C9 pohon pafajësinë e tij, duke këmbëngulur se ai është thjesht një punëtor ndërtimi. Megjithatë, ai posedon një Bentley me vlerë 200,000 £ si dhe zotëron një capital në para kesh prej 16,000 £.
Pasojat e veprimeve të supozuara të C9 shkojnë përtej tij. Gruaja dhe fëmijët e tij, të gjithë shtetas britanikë, tani përballen me një të ardhme të pasigurt. Ata qëndrojnë në MB, por fantazma e krimeve të të babait të tyre duket e madhe dhe hedh hije mbi jetën e tyre.
