TIRANË- Pas përfundimit të fazës së intervistimit për kandidaturat, pritet që të publikohet lista e pikëve për secilin nga 14 kandidatët e intervistuar. Pas kësaj, disa nga kandidatët më të vlerësuar do t’i dërgohen më pas Ministrit të Brendshëm, Besfort Lamallari, për shqyrtim të mëtejshëm.
Pasi Komisioni i Posaçëm të dorëzojë listën, Ministri i Brendshëm do t’i përcjellë Këshillit të Ministrave kandidaturat dhe vendimi merret nga qeveria.
Intervistimi i kandidatëve u zhvillua prej rreth 9 orësh, më datë 24 mars, duke përmbyllur kështu fazën finale të procesit të zgjedhjes së kreut të ri të Policisë së Shtetit.
Procesi pati edhe vëmendjen e faktorit ndërkombëtar. Gjatë kohës që zhvilloheshin intervistat, e ngarkuara me punë e Shteteve të Bashkuara të Amerikës në vendin tonë, Nancy VanHorn u prit nga ministri Besfort Lamallari.
Në garë morën pjesë gjithsej 16 kandidatë, nga të cilët 2 9ë kandidate gra) u skualifikuan pas vlerësimit paraprak, duke e lënë listën e 14 të intervistuarve.
Lista e kandidatëve:
Afrim Tafa
Alfred Çepe
Arjanit Arapi
Elidon Çela
Gentian Berberi
Gentjan Shehaj
Idajet Faskaj
Lorenc Panganika
Neritan Nallbati
Pëllumb Seferi
Rebani Jaupi
Saimir Boshnjaku
Skënder Hita
Tonin Vocaj
Me largimin e Prodës, deri në zgjedhjen e drejtorit të ri, në detyrë është komanduar zëvendësdrejtori Sokol Bizhga./ZËRI
