TIRANË- Kontrolli i Lartë i Shtetit ka bërë publike listën e institucioneve që do të kalojnë në filtër përgjatë këtij viti, për të parë se si janë menaxhuar fondet publike. Në programin e veprimtarisë audituese për vitin që sapo kemi nisur janë në listë një sërë institucionesh të rëndësishme përfshirë Bankën Shqipërisë, Fondin Shqiptar të Zhvillimit, institucionin e Hipokekës dhe një sërë bashkish të vendit, që drejtohen në shumicë nga ana e socialistëve. Nën auditim pritet që të kalojë edhe Radio Televizioni Publik Shqiptar, ndaj të cilit ka pasur vazhdimisht akuza për abuzime me menaxhimin e fondeve.
Një pjesë nga lista me 155 institucione që pritet të auditohen:
Banka e Shqipërisë
Drejtoria e Përgjithshme e Buxhetit, Thesarit dhe Kontrollit të Brendshëm
Drejtoria e Përgjithshme e Tatimeve
Fondi i Sigurimit të Detyrueshëm të Kujdesit Shëndetësor dhe Drejtoria e Shërbimeve Spitalore Universitare
Autoriteti i Mbikqyrjes Financiare
Akademia e Shkencave
Prokuroria e Përgjithshme
Fondi i Kujdesit Shëndetësor
Gjykata Kushtetuese
Universiteti i Tiranës/ Fakultetet
Ministria e Brendshme
Autoriteti i Konkurencës
Agjensia e Prokurimit Publik
Avokatura e Shtetit
Bashkia Shkodër, Belsh, Tiranë, Pustec, Skrapar, Kolonjë etj.
Periudha e auditimit do të jetë e ndryshme, duke nisur nga vitit 2019 deri në vitin 2023. Auditet e KLSH kanë shërbyer në jo pak raste si indicie për prokuroritë që të ndërmarrin hetime në lidhje me zyrtarë të ndryshëm. Raportet gjithashtu lënë një sërë rekomandimesh për t’u përmbushur nga ana e institucioneve.
LISTA E PLOTË:
