ZVERNEC- Përmes dylbive, ornitologu Jon Vorpsi shikon flamingot dhe pelikanët që ndalojnë përgjatë rrugës të tyre të emigrimit në një copë toke të mbrojtur në bregdetin jugor të Shqipërisë. Vorpsi ka frikë se e gjitha mund të përfundojë shumë shpejt nëse dhëndri i Donald Trump, Jared Kushner vazhdon me planet për të ndërtuar një vendpushim turistik në zonën pranë qytetit të Vlorës, i dashur nga vendasit për pyjet e tij të qeta me pisha.
Projektet mund të nxisin ekonomitë lokale duke joshur vizitorët, por ato janë përballur me kundërshtimin e vendasve që kanë frikë se do të dëmtojnë mjedisin ose, në rastin e Beogradit, do të cënojnë vendet me rëndësi kulturore. Kushner e paraqiti planin e tij disa javë pasi parlamenti i Shqipërisë ndryshoi një ligj që lejonte qeverinë të japë leje ndërtimi në zonat e mbrojtura për hotele ose resorte me pesë yje.
“Është një pikëllim i madh të dish se kjo zonë nuk do t’u shërbejë më gjeneratave të ardhshme. Nuk do t’u shërbejë më studentëve të shkencave natyrore. Nuk do t’u shërbejë më njerëzve. Një zonë që natyra e ka krijuar prej shumë vitesh, ja ku shkon delta e lumit Vjosa. Kjo është një nga zonat më të rëndësishme (mbrojtëse) në Shqipëri tani do të kthehet në Ksamil ose Golem në Durrës (qytete të tjera turistike me resorte). Për 10 vjet kjo zonë do jetë gji me beton,” tha Vorpsi, i cili punon për OJQ-në lokale mjedisore PPNEA.
Kryetari i bashkisë së Vlorës Ermal Dredha përshëndeti projektin e Kushnerit, duke shtuar se po planifikon ta kthejë qytetin në një "destinacion turistik të nivelit të lartë", por gjithashtu u zotua të mos dëmtojë mjedisin.
"Pa investim, si do t'i tërheqim gjithë këta njerëz që vijnë këtu dhe zgjedhin Vlorën?,"-tha Dredha për Reuters.
Planet e Kushnerit, të cilat vendasit i quajnë “vilat e Trump”, tashmë po bëjnë bujë.
Agjenti i pasurive të paluajtshme Flori Brahimaj tha se çmimet për apartamentet me një pamje të mundshme mbi truallin e projektit tashmë janë rritur midis 100-200 euro për metër katror. Në Serbi, Affinity planifikon të financojë një projekt luksoz në Beogradin qendror që do të përfshijë një hotel, apartamente, dyqane dhe hapësira zyrash në vendin ku ishte ngritur selia e Ushtrisë Popullore Jugosllave (JNA). Godinës i kanë mbetur vetëm rrënojat pasi në vitin 1999 NATO e bombardoi atë si pjesë e një fushate ajrore. kundër mizorive serbe në Kosovë. Ndaj më shumë se 26,000 njerëz kanë nënshkruar një peticion në internet për të mbrojtur dy ndërtesat e njëjta që përbëjnë një vend të mbrojtur kulturor.
Kushner dhe Affinity Partners nuk iu përgjigjën kërkesave të Reuters për koment.
Që prej rënies së komunizmit në vitin 1990, Shqipëria ka luftuar me paqëndrueshmërinë ekonomike dhe politike dhe me emigracionin e përhapur, veçanërisht në mesin e të rinjve. Por liqenet e saj alpine dhe vija bregdetare e paprekur kanë tërhequr një numër në rritje turistësh që kërkojnë një alternativë më të qetë dhe më të lirë për Greqinë dhe Kroacinë aty pranë. Vitin e kaluar vendi mirëpriti më shumë se 10 milionë turistë vitin e kaluar, 35% më i lartë se 2022./ZËRI
