Foto ilustruese
TIRANË- Një grup protestuesish u mblodhën këtë të premte para godinës së Kryeministrisë, në të njëjtën kohë kur ministrat e qeverisë dolën për të bërë publike vendimet e miratuara në mbledhjen e Këshillit të Ministrave.
Me flamuj kombëtarë në duar, protestuesit shoqëruan deklaratat e ministrave me vuvuzela dhe thirrje në kor, duke kërkuar largimin e qeverisë dhe duke brohoritur "qeveri hajdute".
Protesta u zhvillua paralelisht me konferencën për shtyp të anëtarëve të kabinetit qeveritar, të cilët prezantuan vendimet e marra në mbledhjen e radhës së qeverisë. Mes vendimeve të shpallura ishte edhe indeksimi i pensioneve me 2.7 për qind.
Poll
