SHBA-Udhëheqësi i ri suprem i Iranit, Mojtaba Khamenei, është plagosur dhe ka të ngjarë të jetë shpërfytyruar, deklaroi Sekretari i Mbrojtjes i SHBA-së, Pete Hegseth, duke vënë në pikëpyetje aftësinë e Khameneit për të qeverisur pas gati dy javësh sulmesh të SHBA-së dhe Izraelit ndaj Iranit.
"E dimë që i ashtuquajturi udhëheqës i ri jo aq suprem është plagosur dhe ka të ngjarë të jetë i shpërfytyruar. Ai lëshoi një deklaratë dje. Një deklaratë të dobët, në fakt, por nuk pati as zë dhe as video. Ishte një deklaratë me shkrim. Irani ka shumë kamera dhe shumë regjistrues zëri. Pse një deklaratë me shkrim? Mendoj se e dini pse. Babai i tij - i vdekur. Ai është i frikësuar, është i plagosur, është në arrati dhe i mungon legjitimiteti,"-u shpreh Hegseth.
Khamenei nuk është parë nga iranianët që nga zgjedhja e tij si lider dhe komentet e tij të para erdhën në një deklaratë të lexuar nga një prezantues televiziv të enjten. Në to, ai u zotua të mbante të mbyllur Ngushticën e Hormuzit dhe u bëri thirrje vendeve fqinje të mbyllin bazat amerikane në territorin e tyre ose të rrezikojnë që Irani t'i shënjestrojë ato./ZËRI
