Digjet pema e Krishtlindjeve në Damask, mijëra qytetarë në protestë: Duam mbrojtje!

Pema e Krishtlindjeve

DAMASK- Mijëra protestues kanë dalë në rrugët e Damaskut pasi u dogj një pemë Krishtindljeje. Protestuesit iu kërkojnë udhëheqësve të rinj të mbrojnë pakicat fetare. Në Siri ka shumë grupe etnike dhe fetare si kurdët, armenët, asirianët, të krishterët, druzët, shiitët alevitë dhe sunitët arabë, të cilët janë gjithashtu shumica e popullsisë myslimane.

Sipas një videoje të publikuar, persona të armatosur dhe të maskuar i vunë zjarrin pemës së Krishtlindjes në sheshin kryesor të qytetit me shumicë të krishterë. Hayat Tahrir al-Sham (HTS), i cili arriti të rrëzonte Bashar al-Asad, njoftoi se ata që ishin përgjegjës për zjarrvënien ishin kapur dhe ishin luftëtarë të huaj. Ai shtoi se pema do të riparohej së shpejti dhe se do të mbrojë pakicat fetare.

Në Kassa, një lagje e Damaskut, protestuesit (disa me flamuj bizantinë) brohoritën parulla kundër luftëtarëve të huaj: "Siria është e lirë, jo-sirianët duhet të largohen". Ndërkohë në lagjen Bab Touma protestues të tjerë mbanin kryqe dhe flamuj sirianë duke brohoritur “Do të sakrifikojmë shpirtin për kryqin tonë”.

Është ende e panjohur deri më tani se si grupi Hayat Tahrir al-Sham (HTS) do të sundojë Sirinë. Grupi ka një të kaluar xhihadiste, nga e cila është distancuar dhe një të tashme islamike. Përfaqësuesit u shprehën se pavarësisht besimit të tyre, të drejtat dhe liritë e pakicave fetare dhe etnike do të mbrohen.

Sfidat për udhëheqjen e re

Udhëheqja e HTS, i cili mori pushtetin pas rënies së regjimit të Assadit, përballet me sfida të rëndësishme. Prania e luftëtarëve dhe ekstremistëve të huaj është një kërcënim për stabilitetin e vendit dhe mbrojtjen e minoriteteve. Ndonëse HTS filloi si një grup xhihadist, ai ka marrë qëndrime më të moderuara, me udhëheqësit që premtojnë se të drejtat dhe liritë e pakicave fetare dhe etnike do të mbrohen.

HTS mbetet e listuar si një organizatë terroriste nga OKB, SHBA, Bashkimi Evropian dhe Mbretëria e Bashkuar, por duket se ka shenja të një ndryshimi diplomatik. Uashingtoni kohët e fundit "fshiu" tarifën prej 10 milionë dollarë për informacion mbi udhëheqësin e HTS Ahmed al-Sharaa pasi diplomatët u takuan me grupin. /ZËRI

Në përputhje me standarded JTI