IZRAEL- Kryeministri izraelit, Benjamin Netanyahu ka deklaruar se Jeffrey Epstein nuk ka qenë kurrë spiun apo agjent i Izraelit, duke hedhur poshtë teoritë e konspiracionit që kanë qarkulluar prej vitesh në internet. Netanyahu deklaroi se "marrëdhënia e pazakontë e ngushtë" midis ish-kryeministrit Ehud Barak dhe financierit dhe shkelësit seksual të turpëruar Jeffrey Epstein vërteton se ky i fundit nuk ishte një agjent izraelit, në kundërshtim me teoritë e konspiracionit që shpërndahen në internet.
Në një postim në platformën X, Netanyahu sulmoi ashpër Barakun, duke pretenduar se ish-rivali i tij politik ka tentuar për vite me radhë, në mënyrë obsesive, të minojë demokracinë izraelite, duke bashkëpunuar me atë që ai e cilësoi si e majta radikale anti-sioniste, në përpjekje për të rrëzuar qeverinë e zgjedhur.
"Marrëdhënia e ngushtë e pazakontë e Jeffrey Epstein me Ehud Barakun nuk sugjeron që Epstein ka punuar për Izraelin. Ajo vërteton të kundërtën. I mbërthyer në humbjen e tij në zgjedhje nga më shumë se dy dekada më parë, Barak është përpjekur me obsesivitet për vite me radhë të minojë demokracinë izraelite duke bashkëpunuar me të majtën radikale antisioniste në përpjekje të dështuara për të rrëzuar qeverinë e zgjedhur izraelite. Fiksimi personal i Barakut e shtyu atë të angazhohej në aktivitete publikisht dhe prapa skenave për të minuar qeverinë e Izraelit, duke përfshirë nxitjen e lëvizjeve masive të protestave, nxitjen e trazirave dhe ushqyerjen e narrativave të rreme mediatike", shkroi Netanyahu nw X.
Publikimi nga Departamenti i Drejtësisë i miliona dokumenteve të brendshme që lidhen me Epstein javën e kaluar zbuloi dhe konfirmoi lidhjet e tij me shumë njerëz të shquar në politikë, financa, akademi dhe biznes, përfshirë Barakun, i cili pasoi Netanyahun si kryeministër nga viti 1999 deri në vitin 2001 dhe më pas shërbeu si ministër i mbrojtjes i Netanyahut nga viti 2009 deri në vitin 2013.
Lidhjet personale dhe të biznesit të Barakut me Epsteinin janë të njohura prej vitesh. Nuk ka prova për shkelje nga Barak, një ish-shef i Mbrojtjes së Izraelit, i cili ishte komandant i Netanyahut në njësinë elitare Matkal./ZËRI
