IRAN-Pasi Presidenti Donald Trump hodhi poshtë përgjigjen e Iranit ndaj propozimit të fundit të paqes të SHBA-së, kryetari i parlamentit të Iranit tha se ushtria e Republikës Islamike është gati t'i "jepjë një mësim" çdo agresori.
Ambasadori i SHBA-së në Izrael, Mike Huckabee, deklaroi se Izraeli dërgoi personel anti-raketash në Emiratet e Bashkuara Arabe për të ndihmuar në mbrojtjen e vendit nga sulmet iraniane, duke nënvizuar një marrëdhënie mbrojtëse në rritje midis dy vendeve të Lindjes së Mesme që është forcuar nga lufta e Iranit.
Kostoja e luftës në Iran është rritur në 29 miliardë dollarë, tha Jules Hurst, në dëshminë e tij në Kongres të martën. Sekretari Pete Hegseth tha muajin e kaluar se ishte 25 miliardë dollarë, por zyrtarët amerikanë të njohur me vlerësimet e brendshme sugjeruan në atë kohë se lufta mund të kishte kushtuar tashmë afër 50 miliardë dollarë. Shefi i Hezbollahut i kërkon Libanit të tërhiqet nga bisedimet e drejtpërdrejta me Izraelin.
Libani dhe Izraeli kanë planifikuar të zhvillojnë dy ditë bisedime në Uashington, duke filluar nga e enjtja, në një përpjekje për t'i dhënë fund konfliktit të fundit Izrael-Hezbollah që shpërtheu dy muaj më parë, pas luftës së Iranit, dhe për të diskutuar të ardhmen e marrëdhënieve midis dy vendeve, të cilat zyrtarisht kanë qenë në luftë që nga krijimi i Izraelit në vitin 1948.
Ndërkohë, Presidenti i SHBA-së Donald Trump ndodhet sot në Kinë i shoqëruar nga Sekretari i Shtetit Marco Rubio ku do të takohet me presidentit të Kinës Xi Jinping për të diktuar mbi konfliktin në Ukrainë, Lindjen e Mesme si dhe për arritjen një marrëveshje të qëndrueshme tregtare mes dy vendeve.
Irani dhe SHBA-të ranë dakord për një armëpushim 2-javor më 8 prill, marrëveshja më pas u zgjat pa afat dhe vazhdon të mbetet në fuqi./ZËRI
