ITALI-Italia planifikon të marrë pjesë në Bordin e Paqes të presidentit amerikan Donald Trump si një vend vëzhgues, tha kryeministrja italiane Giorgia Meloni gjatë një vizite në kryeqytetin etiopian Addis Abeba. Meloni tha se Uashingtoni tani e ka ftuar Italinë të bashkohet si një vend vëzhgues, të cilin ajo e përshkroi si një zgjidhje të mirë.
"Ne u ftuam si vend vëzhgues dhe sipas mendimit tonë, kjo është një zgjidhje e mirë për problemin që kemi në lidhje me përputhshmërinë kushtetuese me anëtarësimin në Bordin e Paqes. Mendoj se do t’i përgjigjemi pozitivisht kësaj ftese për të marrë pjesë si vend vëzhgues, se në çfarë niveli duhet të shohim ende, sepse ftesa mbërriti dje”, u tha Meloni gazetarëve.
Udhëheqësja italiane kishte thënë më parë se Italia nuk mund të bëhej anëtare e organit për arsye kushtetuese. Mediat fqinje raportian më herët se pengesa kryesore e Italisë për pjesëmarrjen në Bordin e Paqes, është Neni 11 i Kushtetutës italiane. Ky nen i lejon Italisë të marrë pjesë në organizata ndërkombëtare që merren me paqen, por vetëm "në kushte të barabarta me shtetet e tjera”.
Takimi i parë zyrtar i Bordit të Paqes pritet më 19 shkurt në Uashington, me pjesëmarrjen e të paktën njëzet vendeve. Donald Trump pritet të njoftojë një plan rindërtimi prej disa miliardë dollarësh për Gazën./ZËRI
