IZRAEL-Izraeli ka nisur ndërtimin e qendrës së parë të posaçme për ekzekutimet me varje të personave të dënuar për terrorizëm, pas hyrjes në fuqi të ligjit për dënimin me vdekje.
"Premtova të përkeqësoja kushtet e terroristëve në burgje - e mbajtëm. Premtova të miratoja Ligjin për Dënimin me Vdekje për Terroristët - e bëmë. Dhe tani po fillojnë të marrin formë edhe burgu i vdekjes dhe objekti i varjes. Terroristët tanë meritojnë vetëm një gjë - vdekjen me varje,"-njoftoi Ministri izraelit i Sigurisë Kombëtare, Itamar Ben Gvir.
Ai tha se qendra është pjesë e zbatimit të ligjit për dënimin me vdekje për të dënuarit për akte terrorizmi. Sipas Ben Gvir, objekti do të ketë edhe hapësira vëzhgimi për familjarët e viktimave të sulmeve.
Ministri izraelit sqaroi se nuk e kishte fjalën vetëm për militantët palestinezë që përbëjnë kërcënim të menjëhershëm. Sipas tij, në Gaza ka edhe persona që ”nuk meritojnë të jetojnë”.
