SERBI- Presidenti i Serbisë Aleksandër Vuçiç tha sot gjatë hapjes së stacionit hekurudhor Vrbas Novi se gjendja në Kosovë është e rëndë. Vuçiç gjithashtu u shpreh se është i shqetësuar sepse komuniteti ndërkombëtar hesht ndaj provokimeve të Prishtinës. Vuçiç shtoi se Prishtina nuk është e interesuar për dialog.
“Situata është e vështirë, por ne do të luftojmë. Ne nuk do të dorëzohemi. Është formuar një ekip mjekësh që do të vlerësojë ndikimin e minierave në shëndetin e njerëzve. Ka edhe akademikë. Qeveria eventuale apo potenciale e ardhshme demokratike në SHBA dëshiron të durojë dhe tolerojë këtë lloj sjelljeje për një kohë të gjatë”, ka theksuar ai, raportojnë mediat serbe.
Ndër të tjera ai tha se qëllimi i protestave kundër minierave të litiumit të mbajtura në të gjithë Serbinë është rrëzimi i tij dhe jo shqetësimi për shëndetin e njerëzve./ZËRI
